Muri iyi minsi imikino yabaye ihagaritswe kugira ngo hirindwe ikwirakwira ry’icyorezo COVID-19 giterwa na Virusi ya Corona. Abakinnyi b’umupira w’amaguru bagiye bagaragara mu bikorwa byo gufasha mu kurwanya iki cyorezo. Myugariro wa Chelsea ukinira ikipe y’igihugu y’ubudage Antonio Rudiger yatangaje abakinnyi 11 abona yahuye na bo mu mukino maze bakamugora cyane.
Antonio Rudiger yanyuze mu makipe atandukanye harimo Dortmund yo mu Budage, Stuttgart ndetse mu mwaka wa 2015 yerekeje mu ikipe ya AS Roma ikipe yavuyemo yerekeza muri Chelsea abarizwamo kuri ubu yo mu Bwongereza.
Uyu myugariro kuri ubu w’imyaka 27 yakiniye AS Roma imikino 72, yerekeje muri Chelsea mu mwaka wa 2017 kuri miliyoni 32 z’amapawundi. Mu rugendo rwe rw’umupira w’amaguru uyu myugariro w’umwirabura uherutse kwikoma abaganga bo mu Bufaransa batangaje ko bifuza kugeragereza urukingo rwa COVID-19 muri Afurika, yatangaje abakinnyi 11 we abona beza banamugoye ubwo bahuraga mu mukino.
Abakinnyi 11 ba Antonio Rudiger: Neuer, Wan-Bissaka, Ramos, van Dijk, Robertson, Iniesta, De Bruyne, Kante, Messi, Ronaldo, Aguero.
